Kontratazio
Plataforma

Lizitazioaren xehetasuna

1. Kontratuaren xedea

Azkoitiako Julio Urkixo 11n EAJ-PNVren jabegokoa den higiezina egokitzeko lanak kontratatzea.

2. Aurrekariak eta zioa

Gaur egun elkarren ondoan eta lokal independenteetan dauden taberna-jatetxea eta Alderdiaren Egoitza toki berean bateratzeko lanak proiektatzea, espazio bakar batean egon daitezen.

3. Obra honen barruan egingo diren lanak:

• Eraispenak

• Igeltserotza-lanak

• Iturgintza-lanak

• Barneko arotzeria eta kanpoko arotzeria-beirak jartzea 

• Estaldura-lan bertikal eta horizontalak 

• Instalazioak:

o Argindarra

o Iturgintza eta Saneamendua 

o Aireztapena eta airea berritzea 

o Klimatizazioa

o Gas-hornidurarako instalazioa

o Suteen kontrako babesa

4. Aurrekontua eta epea

- Gehienezko aurrekontua: 158.000€ (gastu orokorrak eta etekin industriala barne; obra-zuzendaritza eta segurtasun- eta osasun-koordinazioa ez dira sartzen; BEZik gabe)

- Egikaritze-epea: 1-3 hilabete

5. Proposamenak aukeratzeko arrazoiak

Lizitazioan parte hartzeko interesa duten enpresek kontratatzailearen profilean erregistratu beharko dute.

Kontratazio-mahaiak beretzat gordetzen du parte hartzeko proposamenak aztertu ondoren, hirugarren enpresak prozesura gonbidatzeko eskubidea.

Aukeratuak diren enpresei jakinaraziko zaie eta  lizitazio-fasera igaroko dira.

6. Esleipena egiteko prozedura

Esleipena egiterako orduan esleipen zuzen bidez egingo da eta proposamen onuragarriena aukeratuko da kontratazio mahaiaren irizpidearen arabera.

Irizpideak: proposamen tekniko eta ekonomikoa, egikaritze-epea, hurbiltasuna eta tokian tokikoa izatea, aldez aurreko esperientzia eta proposatutako neurriak.

7. Argibideak eskatzeko kontaktua

Juanra Bastarrika, kontratazioa@gipuzko.eus

8.  Interesatuentzako epea

Interesdunek 2024ko azaroaren 18a baino lehen erregistratu beharko dute kontratatzailearen profilean (egun hori barne), eta azaroaren 25a baino lehen jakinaraziko zaie hautatuak izan diren ala ez (egun hori barne).